ایـل- گـۆنـۆنگ قـالبیندا ابـدی یاشار؛
توماچ، ماغتیم، واحدی هـم جۆرجأنی .
عاصئرلار آیلانیپ دولاندی دؤویر،
یئنه- ده صأحراما چایئلدی یالقیم.
یئنه- ده دوغـوردی دؤرت أگیرت مردی،
آبانی، کیمیری دوغوران حالقیم.
بیر بلند گریش هم اۆچ ساریسماز غایا،
دؤرتـلـر! دؤره تدینگیز ایمان داغینی،
گؤزل ایلیم بیر تن بولوپ اویدولار،
یۆره نگیزه باغلاپ، یۆره ک باغینی.
واطان آسمانیندا دؤرت پارلاق یئلدیز،
عاجاپ دوغوپ، تأسین یاشیپ گیتدینگیز،
هر عـؤمۆر دؤره دیپ ابدی سطیر
عاجایئپ روباغی غوشوپ گیتدینگیز.
بو روباغی آیدیم بولدی دیللرده،
انه لر حوودی ادیپ سؤیدی بالاسین،
یوغرولدی زأحمته، سینگدی کؤللره،
خوش بزه دی غیز- گلین لر لأله سین.
آیاغینگیز کؤک اوروپدی دمیره،
الینگیزده پولاد دیشلی اوراقلار،
اولی ایل بولوپ آدینگئزا غوواندیق،
بیر سوپرادا تاییار بولدی چؤره کلر.
دوشمانینگ پالتاسی اؤتمه دی هرگیز،
یر آلمادی، یرسیز اوران تؤهمتی،
حیله دوزاغین قوردولار آخیر
غان ایچن دؤو اؤزگه چأره تاپمادی.
دوشمانینگ قالبینی اوق بولوپ دشر،
حالق شهیدلری نینگ هر دامجا غانی
ایل- گونینگ قالبیندا ابدی یاشار
توماچ، ماغتیم، واحدی هم جۆرجأنی .
دانگ آتار
1365- نجی یئلینگ غئشی
No comments:
Post a Comment